岩岩用完，佢而家做緊優惠，自提13+2,派送13+3,住宅加20人仔或25港圓到付，我30kg, 冇免首重，好似要50kg 先免。佢用既快遞係祥龍運通。我送住宅上星期四晚拍，星期五晚8點左右電話話送件，開心死住宅都今發明至。我件30kg, 分3個件打包，兩個1件，1個8件，總共十件貨，點知佢送黎時得一件，個快遞話可能漏件，明早再送過黎。第2日等到6點都冇電話到咁我打返比個快遞，佢話揾過冇其餘兩份件，應該仲係大陸。咁我即旺旺，佢仲話到左香港，我話到左一份，快遞公司冇我其餘兩份入境記錄，佢就冇回我。我再whatsapp 佢個香港電話，應該係佢集運付責人，9點幾覆我揾到兩件貨係大陸，即刻幫我補發，第二日早上10左右到快遞送黎拆件。。1包8件貨得7件，激死又再旺旺。。點知話pack 貨果個放假要星期日下午先返，要等佢返黎先清楚，我又whatsapp佢問，佢話佢先質問快遞，我拍照已到既件包裝等send比佢，又係冇回我，星期日早上再whatsapp佢佢話個員工晚7點返工，問左8點就有答案。等到晚7:30點左右佢whatsapp揾到我件貨，話應該係漏左入袋，要唔要即落過黎或等下次返貨先一齊落，我緊係叫佢即落喇，仲等下次，個快遞星期一晚就送件，好彩冇少到。總括，佢派送真係好快。。住宅都能今發明至，價錢又平，但就集運果邊比較烏龍，一次集運，漏件兩次，仲驚佢唔見d貨，心血少都嚇死，可能我黑仔，如果唔係漏件都好滿意。
